Wollt’s wissen wer i bin?

1. Hört’s Leut’ln i muss lustig sein, sonst wia i sterbenskrank
und fallt mir nix mehr Gspaßigs ein, probier i ’s mit dem G’sang;
doch würgt’s mi in der Gurgl a, dann hupf i hin und her,
ja Leut’ln i' muß lustig sein, sonst gibt ’s noch a Malheur.
Wollt’s wissen wer i bin, dann frag’n s’ um mi in Wien.

Refrain:
I bin a alter strieg’lsamer, rieg’lsamer Geldverdeaner,
dabei a fescher, fermer Tag- und Nachtschwärmer,
i bin a alter Drahrer, Verzupfer und Verzahrer,
jedoch der beste Mensch von Wien, jetzt wissen ’s wer i bin.

2. Wann i amal „tramhapert“ bin, da bin i g’wiss nix wert;
Da haut mi’ schon der dümmste Wee mit seinem „Schmuß“ um d’ Erd’!
Da kriag i „Ripplerts“ mehr als g’nua, weil i net „Na“ sag’n kann.
Doch bin i lustig und fidel, dann kriagt mi kaner d’ran.
Wollt’s wissen wer i bin, dann frag’n s’ um mi in Wien.

Refrain:
I bin a alter strieglsamer, rieglsamer Geldverdeaner,
dabei a fescher, fermer Tag- und Nachtschwärmer,
i bin a alter Drahrer, Verzupfer und Verzahrer,
jedoch der beste Mensch von Wien, jetzt wissen ’s wer i bin.

3. Der nix wia „g’ruachelt“ hat sein Leb’n und z’sammeng’rafft viel Geld,
sich selber aber nix „vergunnt“, was hat der auf der Welt,
Wann d’ „Bolschewiki“ kommen werd’n und nehmen ihm all’s weg?
Da mach i ’s g’scheiter: - i bring’s an - bei mir finden s’ an Schmarrn!
Wollt’s wissen wer i bin, dann frag’n s’ um mi in Wien!

Refrain:
I bin a alter strieglsamer, rieglsamer Geldverdeaner,
dabei a fescher, fermer Tag- und Nachtschwärmer,
i bin a alter Drahrer, Verzupfer und Verzahrer,
jedoch der beste Mensch von Wien, jetzt wissen ’s wer i bin.

T: Josef Hadrawa, M: Rudolf Kronegger.