iwaroi wochsn d’ hoa

wiads frua oda dschbääd is wauns daun amoi dseid is
wia gros muas a hemd sei das 's ums euzal ned bassd
waun wea ma dn do sei wauns eh nimma weid is
wos kau ma ois ned wean wau ma graudwaschl haasd

wia fü is grod dswenig wia wenich is gnua
wia laung is fia imma und nimmd des ewich ka end
foan d leid mea auf ualaub oda gengans auf kua
und haum ma ole den scheabm auf waun da huad nimma brend

i waas ned i waas ned do braud si wos dsaumm
iwaroi wochsn d hoa owa niagands a kaumm
da mensch is wos müabes und ollas is eitl
und kaum waad a lüftal scho schreins noch an scheitl
ob frisua ob rasua es hoidn beide ned laung
iwaroi wochsn d' hoa owa niagands a kaumm
iwaroi wochsn d' hoa owa kaum wo a kaum

wos muas ma ois glaubm bis das ma sogn kau i waas
wo soit ma wos hidrogn und wo is wos zum hoin
wia fü muas ma wissn bis das ma glaubt jedn schaas
und warum griagn nua de wos de wos eh niggs mea woin

warum bikkt ma kachln wo hi wos ned schbrizzd
wia fü kost a kostn wau ma d' kostn hoibiad
wos mochsd mid an mosschuach dea wos nua tadllos sizzd
und is des ois nua a theata des wos a drama auffiad

i waas ned i waas ned do braud si wos dsaumm
iwaroi wochsn d' hoa owa niagands a kaumm
da mensch is wos müabes und ollas is eitl
und kaum waad a lüftal scho dsiagns da an scheitl
ob frisua ob rasua es hoidn beide ned laung
iwaroi wochsn d' hoa owa niagands a kaumm
iwaroi wochsn d' hoa owa kaum wo a kaum.

T & M: W. V. Wizlsperger/Heinz Ditsch.